AZE
İdman gimnastikadan başlayır

Müsahibə

Arxiv

FIG Akademiyasının məşqçilik kursları start götürdü

09.01.2018

Yanvarın 8-də, Bakıda AGF-nin yerli məşqçilər üçün təşkil etdiyi Beynəlxalq Gimnastika Federasiyası (FIG) Akademiyası mütəxəssisləri tərəfindən keçirilən bədii gimnastika üzrə 3-cü dərəcəyə aid məşqçilik kursları start götürüb.  
 
Həm nəzəriyyə, həm də təcrübə hissələrindən ibarət olan kurslar əsasən tibbi biliklər, psixologiya və idmanda zədələrin qarşısının alınması mövzularını əhatə edir. Ümumilikdə 22 iştirakçı  arasında yerli məşqçilərlə yanaşı Rusiya, Ukrayna və Bolqarıstandan da təmsilçilər qatılıb.
 
FIG-nin mütəxəssisi, Kanadalı Hartmut Finkin rəhbərliyi ilə yanvar ayının 15-nə qədər davam edəcək kurslarda  Nadya Aleksandrova (Böyük Britaniya), Marta Bobo (İspaniya), Lasse Harald Nettum (Norveç) və Madeleine Halle (Kanada) təlimlər keçəcəklər.
 
Qeyd edək ki, AGF 2013-cü ildə bədii gimnastika üzrə 1-ci dərəcəyə, 2014-cü ildə isə 2-ci dərəcəyə aid məşqçilik kursları keçirib. Hazırki kurslarda iştirak edən hər bir iştirakçı 2-ci məşqçilik dərəcəsinə sahibdir.