"Shine like a star"“ (Ulduz kimi parla”) - məhz bu sloqan ölkəmizdə bədii gimnastika üzrə keçiriləcək ilin ən mötəbər gimnastika yarışlarından biri olan 39-cu Avropa çempionatının möhtəşəmliyini ifadə edir.
17-21 may tarixlərində doğma məkan Milli Gimnastika Arenasında təşkil olunacaq yarışda Avropanın gimnastika ulduzları 5 gün boyunca çıxışları ilə göz qamaşdıracaqlar.
Şou xarakterli açılış mərasimi ilə fərqlənəcək ilin ən gözlənilən yarışı 38 ölkədən 313 gimnastı bir araya toplayacaq.
Çempionat təkcə özünü ulduz kimi təsdiqləmiş gimnastlar üçün deyil, eyni zamanda böyük uğurlar qazanmağa can atan gənc gimnastlar, eləcə də öz gimnastlarını dəstəkləmək üçün müxtəlif ölkələrdən paytaxtımıza təşrif buyuracaq azarkeşlər üçün də ən yaddaqalan yarışlardan birinə çevriləcək.
Yarış iştirakçıları fanatlara həyəcanlı emosiyalar bəxş edəcəklər.
Onlar Hollivud ab-havasında dizayn olunmuş, eyni üslublu dekorasiya elementləri və işıq effektləri ilə tərtib edilmiş zalda sərilmiş qırmızı xalıdan keçərək yarış meydançasına yol alacaq və peşəkar çıxışları ilə azarkeşlərin qəlbinə yol tapmağa çalışacaqlar.
Çempionatın ən məzəli siması isə şübhəsiz ki, Avropa Gimnastikasının maskotu - Luici adlı meymun olacaq. O, tamaşaçılara və gimnastlara öz zarafatları, maraqlı proqramları ilə təbəssüm, pozitiv və yaxşı əhval-ruhiyyə bəxş edəcək.
Bu, ölkəmizin bədii gimnastika üzrə təşkil edəcəyi 5-ci Avropa çempionatı olacaq.
Qeyd edək ki, paytaxtımız 2007, 2009, 2014 və 2019-cu illərdə bu növ üzrə qitə çempionatına ev sahibliyi edib.
5 gün davam edəcək çempionatda gimnastlar fərdi (böyüklər) və qrup hərəkətləri proqramında (gənclər və böyüklər) çıxış edəcəklər.
Gimnastlar çoxnövçülük və ayrı-ayrı alətlər üzrə çıxışlarını təqdim edəcəklər.  
Böyüklər arasında 18 qrup komandası 5 halqa, 3 lent və 2 top proqramında, gənclər arasında isə 22 qrup komandası 5 ip və 5 top proqramında mübarizəyə qoşulacaq. Yarışda ölkəmizi böyüklər arasında fərdi növdə Zöhrə Ağamirova və İlona Zeynalova təmsil edəcək.
Qrup hərəkətləri proqramında böyüklər arasında xalça üzərinə Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan, Darya Sorokina çıxacaq.
Gənclər arasında isə Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova, Zəhra Cəfərovadan ibarət qrup komandası mübarizəyə qoşulacaq.
Püşkatmanın nəticələrinə əsasən, Azərbaycanın fərdi böyük gimnastları və gənclərdən ibarət qrup hərəkətləri komandası 18-ci, böyüklərdən ibarət qrup hərəkətləri komandası isə 10-cu çıxış edəcək.
Ən zərif gimnastika növünün təmsilçilərinin füsunkar çıxışlarını izləmək istəyən tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər.
Biletlərin qiyməti təsnifat və final günləri üçün yerlərdən asılı olaraq 10-25 manat təşkil edir.
Yarışlar haqda daha ətraflı məlumatı agf.az saytından əldə edə bilərsiniz.
Yarışların başlama vaxtı: 12:00
Məkan: Milli Gimnastika Arenası
Telefon: (+994 12/51) 566-96-99
Ünvan: Bakı, H.Əliyev pr., 178
Keçid: “Koroğlu” metro stansiyası

Fərdi çıxış proqramı üzrə:
Azərbaycan:
Zöhrə Ağamirova - Tokio Yay Olimpiya Oyunlarının iştirakçısı, Yay Universiadasının ikiqat gümüş mükafatçısı, lV İslam Həmrəyliyi Oyunlarının qalibi;
Alina Gözəlova - Avropa çempionatının bürünc mükafatçısı, V İslam Həmrəyliyi Oyunlarının qalibi;
İlona Zeynalova - V İslam Həmrəyliyi Oyunlarının komanda hesabında qalibi;
Bolqarıstan:
Nikolova Stiliana - dünya çempionatının üçqat gümüş və bürünc mükafatçısı, Avropa çempionatının qalibi və bürünc mükafatçısı;
Kaleyn Boryana - Dünya çempionatının gümüş mükafatçısı, Avropa çempionatının üçqat qalibi, ikiqat gümüş və dördqat bürünc mükafatçısı;
İspaniya:
Bautısta Alba - dünya çempionatının bürünc mükafatçısı;
Beryozina Polina - dünya çempionatının bürünc mükafatçısı;
Almaniya:
Varfolomeyev Darya - dünya çempionatının qalibi, üçqat gümüş və bürünc mükafatçısı, Avropa çempionatının ikiqat bürünc mükafatçısı;
Macarıstan:
Piqnitski Fanni - Ümumdünya Oyunlarının ikiqat bürünc mükafatçısı;
İsrail:
Adi Asya Kats - Avropa çempionatının ikiqat bürünc mükafatçısı;
İtaliya:
Baldassari Milena - dünya çempionatının qalibi, ikiqat gümüş və ikiqat bürünc mükafatçısı;
Raffaeli Sofiya - Dünya çempionatının beşqat qalibi, gümüş və ikiqat bürünc mükafatçısı, Avropa çempionatının ikiqat qalibi və ikiqat gümüş mükafatçısı;
Sloveniya:
Vedeneyeva Yekaterina - Dünya çempionatının bürünc mükafatçısı;
Onoprienko Viktoriya - Ümumdünya Oyunlarının bürünc mükafatçısı;

Qrup hərəkətləri proqramı üzrə:
Qrup hərəkətləri üzrə böyüklərdən ibarət Azərbaycan komandası:
Zeynəb Hümmətova - Tokio Yay Olimpiya Oyunlarının iştirakçısı, dünya çempionatının bürünc mükafatçısı, Avropa çempionatının gümüş və altıqat bürünc mükafatçısı;
Güllü Ağalarzadə - dünya çempionatının bürünc mükafatçısı, Avropa çempionatının üçqat bürünc mükafatçısı;
Darya Sorokina - Tokio Yay Olimpiya Oyunlarının iştirakçısı, dünya çempionatının bürünc mükafatçısı, Avropa çempionatının gümüş və beşqat bürünc mükafatçısı;
Yelizaveta Luzan - Tokio Yay Olimpiya Oyunlarının iştirakçısı, dünya çempionatının bürünc mükafatçısı, Avropa çempionatının beşqat bürünc və gümüş mükafatçısı;
Ləman Əlimuradova - Tokio Yay Olimpiya Oyunlarının iştirakçısı, dünya çempionatının bürünc mükafatçısı, Avropa çempionatının beşqat bürünc və gümüş mükafatçısı;
Kamilla Əliyeva - Avropa çempionatının üçqat bürünc mükafatçısı;
Qrup hərəkətləri üzrə böyüklərdən ibarət Bolqarıstan komandası:
İvanova Sofiya - Avropa çempionu, dünya çempionatının ikiqat qalibi;
Petrova Kameliya - Avropa çempionu, dünya çempionatının ikiqat qalibi;
Stoyanov Reyçl - Avropa çempionu, dünya çempionatının ikiqat qalibi;
Tomova Radina - dünya çempionatının ikiqat qalibi;
Traşlıeva Jenina - Avropa çempionu, dünya çempionatının ikiqat qalibi;
Qrup hərəkətləri üzrə böyüklərdən ibarət İsrail komandası:
Bakanov Şani - dünya çempionatının ikiqat gümüş, Avropa çempionatının qızıl və gümüş mükafatçısı;
Friedmann Adar - dünya çempionatının ikiqat gümüş, Avropa çempionatının qızıl və gümüş mükafatçısı;
Paritzki Romi - dünya çempionatının ikiqat gümüş, Avropa çempionatının qızıl və gümüş mükafatçısı;
Şaham Ofir - dünya çempionatının ikiqat gümüş, Avropa çempionatının qızıl və gümüş mükafatçısı;
Svertsov Diana - dünya çempionatının ikiqat gümüş, Avropa çempionatının qızıl və gümüş mükafatçısı;
Qrup hərəkətləri üzrə böyüklərdən ibarət İtaliya komandası:
Centofanti Martina - Tokio-2020 Olimpiya Oyunlarının bürünc mükafatçısı, dünya çempionatının beşqat qalibi, beşqat gümüş və ikiqat bürünc mükafatçısı, Avropa çempionatının qalibi, üçqat gümüş və bürünc mükafatçısı;
Maurelli Alessiya - Tokio-2020 Olimpiya Oyunlarının bürünc mükafatçısı, dünya çempionatının dördqat qalibi, altıqat gümüş, ikiqat bürünc mükafatçısı, Avropa çempionatının üçqat qalibi, altıqat gümüş və bürünc mükafatçısı;
Mogurean Daniela - Tokio-2020 Olimpiya Oyunlarının bürünc mükafatçısı, dünya çempionatının ikiqat qalibi, beşqat gümüş mükafatçısı, Avropa çempionatının ikiqat qalibi, üçqat gümüş və bürünc mükafatçısı;
Paris Laura - dünya çempionatının ikiqat qalibi, üçqat gümüş mükafatçısı, Avropa çempionatının ikiqat qalibi, ikiqat gümüş mükafatçısı;
Russo Alessia - dünya çempionatının bürünc mükafatçısı;
Aqnis Duranti - Tokio-2020 Olimpiya Oyunlarının bürünc mükafatçısı, dünya çempionatının dördqat qalibi, dördqat gümüş, ikiqat bürünc mükafatçısı, Avropa çempionatının qalibi, üçqat gümüş və bürünc mükafatçısı;

Qrup hərəkətləri üzrə böyüklərdən ibarət İspaniya komandası:
Berqua Navales İnes - dünya çempionatının üçqat bürünc, Avropa çempionatının gümüş mükafatçısı;
Markiz Valeriya - dünya çempionatının üçqat bürünc, Avropa çempionatının gümüş mükafatçısı;
Martinez Mireya - dünya çempionatının üçqat bürünc, Avropa çempionatının gümüş mükafatçısı;
Perez Fos Patricia - dünya çempionatının üçqat bürünc, Avropa çempionatının gümüş mükafatçısı;
Solaun Salma - dünya çempionatının üçqat bürünc, Avropa çempionatının gümüş mükafatçısı;

Yarışın dəvətnaməsi

İşçi planı

Püşkatmanın nəticəsi

Yarış zalının sxemi

Yarışların cədvəli

Məşq cədvəli

Ətraflı yarış cədvəli

İştirakçılar

Çıxış ardıcıllığı - Qrup hərəkətləri / Gənclər

Çıxış ardıcıllığı - Qrup Hərəkətləri / Böyüklər

Çıxış ardıcıllığı - Fərdi gimnastlar və Qrup hərəkətləri komandaları / Böyüklər

Çıxış ardıcıllığı - Çoxnövçülük / Final

Çıxış ardıcıllığı - Fərdi gimnastlar / Final

Çıxış ardıcıllığı - Qrup hərəkətləri komandaları / Final 

Nəticələr - 17.05

Nəticələr - 18.05

Nəticələr - 19.05

Nəticələr - 20.05

Nəticələr - 21.05